اولا السلام عليكم ورحمة الله وبركاته
كل انسان في حياتنا عنده احلام وامنيات عايز يحققها وبيعمل كل جهده وهو في بداية حياته انه يحققها ... مين مننا مكانش بيحلم وهو صغير انه يبقى دكتور ... مهندس ... طيار ... ضابط ... مضيفة او مذيعة ( للبنات ) ... كلنا كان لينا احلام كتير ودايما كنا شايفين الدنيا جميله جدا في مرحلة طفولتنا كلها لعب وتنطيط وهزار ومكناش متحملين اي مسؤوليه ... الحياة كانت جميله طبعا بالنسبه لينا ايامها وكنا متخيليين اللي بيفصلنا عن تحقيق احلامنا وامنياتنا اننا نكبر بس شويه ونخلص مدرسة وندخل الجامعه ونخلص جامعة ونلاقي الشغل اللي بنحلم بيه فاتح لينا دراعاته وبيقولنا يلا انا احلامكم اللي بتتحقق ... بس للاسف ده مبيحصلش لان الحياة مش بسيطة اوي كده زي ما كنا متخيليين ... اكيد كلنا كنا عارفين ان الحياة مش بسيطه واحنا في اواخر الدراسه كده ان كانت في الثانوي او الجامعه بس مكناش بنصدق غير احلامنا وان الدنيا هتوفرلنا كل اللي احنا بنتمناه بمنتهى السهوله ومنتهى الراحه ولكن من جوانا كنا دايما خايفين من بكره عارفين اننا هنصتدم بالواقع بس اللي كان بيهون علينا دايما حاجه اسمها الامل .... اه الامل.
الامل .... هو الثقة في الله بان اي حاجه انا باحلم بيها او بتمناها اكيد هأحققها .... الامل ... هو الاحساس الداخلي لكل انسان بيتمنى الافضل ليه ولكل اللي حواليه وبيحلم يحققه .... الامل ... هو كلمة السر ... بالفعل كلمة السر لاي انسان انه يعيش ويتنفس ويحلم ويتنمى ويتعايش مع كل اللي حواليه .... ولو اي حد فينا فقد الامل ده بيحس انه ميت مش قادر يعيش في الدنيا ومش قادر يقبل على اي حاجه ولا قادر يعمل اي حاجه لدرجة انه بيكره الدنيا وكل اللي فيها بس لو فكر شويه هيلاقي الامل ده عباره عن ايه ... الامل هو دافع داخلي لعدم اليأس والمحاولة مره تانيه في كل ما يقدم على فعله ... يعني بجد الامل ده بيغير حياتنا للافضل لاننا مبنستسلمش للعقبات اللي بنقابلها في حياتنا ودايما بنكون شايفين ان اللي جاي احلى وافضل لينا بس احنا نحاول اكتر واكتر ونستحمل حالنا دلوقتي لاننا شايفين بعد شويه كده من عمرنا اننا افضل بكتير وده بجد هو اللي بيخلينا نستحمل الحياة اللي احنا عايشينها بكل ما فيها من عواقب ومعوقات.
انا عارف ان كل واحد عارف كل الكلام ده بس ايه اللي بيخلي ناس تحقق احلامها وناس متحققش وايه بيخلي ناس يكون عندها امل وناس تانيه بتفقده وايه اللي بيخلي ناس بتكون متمسكه بالامل مهما كانت المعوقات اللي بتقابله في حياته وناس تانيه بتفقده مع اول مشكلة بتقابله في حياته ومبيكونش واثق في ان الامل ممكن يجيله تاني ... عارفين ايه ده ... دي الاصرار والعزيمه
العزيمة والاصرار ... دول بقى الاسلحة اللي بنحارب بيها معوقات حياتنا ومشاكلها علشان نحقق حياة احسن لينا ولكل اللي بنحبهم في حياتنا .... العزيمة دي سلاح اقوى من الصواريخ النووية والقنابل العنقودية ... اه بجد دي حاجه مفتقدها ناس كتير جدا حتى اغلب الناس اللي بيكونوا متمسكين بالامل وبتحقيق احلامهم ... العزيمة دي بالظبط عايزه تعامل بحكمه وبصيره زي التعامل مع اسلحة الدمار الشامل كده بنفس قوتها ... بس على عكسها تماما لانها سلاح بناء شامل وليس دمار شامل بس للي يستغلها صح ويحاول مره واتنين وتلاته والف ومييأسش خالص
حلم ... امنية ... امل ... عزيمة ... اصرار ... اكيد هنعيش حياة جميلة مريحه ونحقق كل اللي احنا عايزينه
يارب مكنش طولت عليكم ونفتكر مع بعض الكلام ده طبعا ونشجع بعض على اننا نحلم وبالعزيمة نحقق كل اللي بنتمناه
محمد حسن
كل انسان في حياتنا عنده احلام وامنيات عايز يحققها وبيعمل كل جهده وهو في بداية حياته انه يحققها ... مين مننا مكانش بيحلم وهو صغير انه يبقى دكتور ... مهندس ... طيار ... ضابط ... مضيفة او مذيعة ( للبنات ) ... كلنا كان لينا احلام كتير ودايما كنا شايفين الدنيا جميله جدا في مرحلة طفولتنا كلها لعب وتنطيط وهزار ومكناش متحملين اي مسؤوليه ... الحياة كانت جميله طبعا بالنسبه لينا ايامها وكنا متخيليين اللي بيفصلنا عن تحقيق احلامنا وامنياتنا اننا نكبر بس شويه ونخلص مدرسة وندخل الجامعه ونخلص جامعة ونلاقي الشغل اللي بنحلم بيه فاتح لينا دراعاته وبيقولنا يلا انا احلامكم اللي بتتحقق ... بس للاسف ده مبيحصلش لان الحياة مش بسيطة اوي كده زي ما كنا متخيليين ... اكيد كلنا كنا عارفين ان الحياة مش بسيطه واحنا في اواخر الدراسه كده ان كانت في الثانوي او الجامعه بس مكناش بنصدق غير احلامنا وان الدنيا هتوفرلنا كل اللي احنا بنتمناه بمنتهى السهوله ومنتهى الراحه ولكن من جوانا كنا دايما خايفين من بكره عارفين اننا هنصتدم بالواقع بس اللي كان بيهون علينا دايما حاجه اسمها الامل .... اه الامل.
الامل .... هو الثقة في الله بان اي حاجه انا باحلم بيها او بتمناها اكيد هأحققها .... الامل ... هو الاحساس الداخلي لكل انسان بيتمنى الافضل ليه ولكل اللي حواليه وبيحلم يحققه .... الامل ... هو كلمة السر ... بالفعل كلمة السر لاي انسان انه يعيش ويتنفس ويحلم ويتنمى ويتعايش مع كل اللي حواليه .... ولو اي حد فينا فقد الامل ده بيحس انه ميت مش قادر يعيش في الدنيا ومش قادر يقبل على اي حاجه ولا قادر يعمل اي حاجه لدرجة انه بيكره الدنيا وكل اللي فيها بس لو فكر شويه هيلاقي الامل ده عباره عن ايه ... الامل هو دافع داخلي لعدم اليأس والمحاولة مره تانيه في كل ما يقدم على فعله ... يعني بجد الامل ده بيغير حياتنا للافضل لاننا مبنستسلمش للعقبات اللي بنقابلها في حياتنا ودايما بنكون شايفين ان اللي جاي احلى وافضل لينا بس احنا نحاول اكتر واكتر ونستحمل حالنا دلوقتي لاننا شايفين بعد شويه كده من عمرنا اننا افضل بكتير وده بجد هو اللي بيخلينا نستحمل الحياة اللي احنا عايشينها بكل ما فيها من عواقب ومعوقات.
انا عارف ان كل واحد عارف كل الكلام ده بس ايه اللي بيخلي ناس تحقق احلامها وناس متحققش وايه بيخلي ناس يكون عندها امل وناس تانيه بتفقده وايه اللي بيخلي ناس بتكون متمسكه بالامل مهما كانت المعوقات اللي بتقابله في حياته وناس تانيه بتفقده مع اول مشكلة بتقابله في حياته ومبيكونش واثق في ان الامل ممكن يجيله تاني ... عارفين ايه ده ... دي الاصرار والعزيمه
العزيمة والاصرار ... دول بقى الاسلحة اللي بنحارب بيها معوقات حياتنا ومشاكلها علشان نحقق حياة احسن لينا ولكل اللي بنحبهم في حياتنا .... العزيمة دي سلاح اقوى من الصواريخ النووية والقنابل العنقودية ... اه بجد دي حاجه مفتقدها ناس كتير جدا حتى اغلب الناس اللي بيكونوا متمسكين بالامل وبتحقيق احلامهم ... العزيمة دي بالظبط عايزه تعامل بحكمه وبصيره زي التعامل مع اسلحة الدمار الشامل كده بنفس قوتها ... بس على عكسها تماما لانها سلاح بناء شامل وليس دمار شامل بس للي يستغلها صح ويحاول مره واتنين وتلاته والف ومييأسش خالص
حلم ... امنية ... امل ... عزيمة ... اصرار ... اكيد هنعيش حياة جميلة مريحه ونحقق كل اللي احنا عايزينه
يارب مكنش طولت عليكم ونفتكر مع بعض الكلام ده طبعا ونشجع بعض على اننا نحلم وبالعزيمة نحقق كل اللي بنتمناه
محمد حسن
No comments:
Post a Comment